Теңгенің бүгінгі бағамы жасанды ма?

208 рет оқылды, 0 пікір жазылды, 09 10 2017 00:36

Биылғы жылы теңгенің долларға шаққандағы бағамы қандай болмақ?Теңге тағы күшейе ме? Әлде әлсірей ме? Күшейсе, тоқтайтын жері қайсы? Әлсіресе, қаншаға дейін төмендейді?

Қолданбалы экономиканы зерттеу орталығының директоры Жәнібек Айғазиннің айтуынша, біз әлі дағдарыстың шегіне жеткен-жетпегенімізді білмейміз. Сол себепті нақты болжам жасау қиын. Дегенмен де сарапшы біршама деректің құлағын ұстатқандай болды. Бұл туралы ол 365info.kz сайтында мәлімдеді.

Пессимистік сценарий іске асып, мұнай баррелінің бағасы 30долларға дейін төмендесе, теңгенің долларға шаққандағы құны 371,4 теңгеге жетуі мүмкін. Базалық сценарий іске асса, мұнай баррелінің бағасы 45 доллардан төмендемейді. Мұндай жағдайда жыл соңына доллардың құны 334 теңгеге барып тұрақтайды.

Ал енді оптимистік сценарий не дейді? Мұнай баррелінің бағасы 60 долларға дейін жетсе, жыл соңына қарай доллардың бағамы 325,9 теңгенің айналасында болмақ.

Алайда қуғындағы саясаткер Мұхтар Әблязов доллар бағамына қатысты әлеуметтік желідегі парақшасына былай деп жазды: «Достар, егер қолдарыңызда валюта болса, оны дәл қазір сатуға асықпаңыздар. Ұлттық банк кезекті траншпен Қазкомға еурооблигациялар бойынша 750 миллион еуро төлемек. Сол үшін Ұлттық банк теңгенің бағамын күшпен ұстап отыр.  Төлеп болған соң теңгенің бағамы біртіндеп әлсірейді…».

Be the first to comment on "Теңгенің бүгінгі бағамы жасанды ма?"

Пікір қалдыру

Your email address will not be published.