«Зың-зың» әнінің авторы неден қайтыс болғаны анықталды

100 рет оқылды, 0 пікір жазылды, 25 10 2017 20:09

«Зың-зың» әнінің авторы Болат Нұрымовтың неден қайтыс болғаны анықталды, — деп хабарлайды. Бұл туралы оның жақын досы Сағи Алмұратов айтып берді.  Нұрымовтың жақын досының сөзінше, белгілі әннің авторы соңғы уақытта өкпесі қабынып қатты ауырып, бір апта ауруханада жатып қайтыс болған. Сонымен қатар, ол Нұрымовтың жаназасы бүгін Шымкентте сағат 13:00-де өз үйінен шығарылатынын айтты. «Ол 23 қазанда Шымкентте жансақтау бөліміне кешкі уақытта түсті. Ташкентке барып-келіп тұратын. Алайда жағдайы нашарлап, келесі күні, 24 қазанда қайтыс болды. Бүгін, 25 қазанда жерлеу рәсімі өтті. Ол отбасында кенжесі еді. Оның артында жақында екіге толатын баласы мен жары қалды. Өзі ән өңдеумен айналысқан, көптеген танымал жұлдыздармен бірге жұмыс істеген», — деді Алмұратов

Болат Нұрымов 1989 жылы Өзбекстандағы Жизақ облысында дүниеге келген. Әуезов атындағы Оңтүстік Қазақстан мемлекеттік университетінде режиссер мамандығы бойынша оқыған. Бұған дейін өзінің жеке студиясында жұмыс істеген және Шымкенттегі «Самал» шағын ауданында тұрып келген.

Үйленгеніне үш жылдай уақыт болған. Артында әйелі және бір баласы қалды.

Be the first to comment on "«Зың-зың» әнінің авторы неден қайтыс болғаны анықталды"

Пікір қалдыру

Your email address will not be published.