БҚО ӘЛЕУМЕТТІК-ЭКОНОМИКАЛЫҚ ДАМУЫ

83 рет оқылды, 0 пікір жазылды, 07 12 2017 15:22

Батыс Қазақстан облысының 2017 жылғы қаңтар-қыркүйектегі
әлеуметтік-экономикалық даму қорытындылары

Өнеркәсіп. Өнеркәсіп өнімдері 1388,2 млрд. теңгеге өндірілді, нақты көлем индексі 109,2% құрады,оның ішінде:

  • тау-кен өндірісі саласында – 1232,0 млрд. теңге, 109,8%;
  • өңдеу саласында – 114,1 млрд. теңге, 103,0%;
  • электрмен қамту, бу, газ беру және ауамен баптау саласында – 34,8 млрд. теңге, 100,9%;
  • сумен қамту, кәріз жүйесі, қалдықтарды жинауды және бөлуді бақылау саласында – 7,3 млрд. теңге, 151,9%.

Газ өндіру көлемі 15260,4 млн. текше метр құрады, бұл 2016 жылғы тиісті кезең деңгейінен 10,2%-ға, газ конденсаты – 9668,5 мың тонна немесе 10,6%-ға көп.
Мұнай өңдеу өнімдерін өндіру көлемі 20959,2 млн. теңге құрады, бұл 2016 жылдың тиісті кезең деңгейінен 1,6 есеге көп.
Дайын металл өнімдердің өндірісі 38,3%-ға артып, 7359,4 млн. теңге құрады. Жинақталған құрылыстық металл құрамаларының өндірісі 1,7 есеге көбейді.
Металл өнімдерін өндіру көлемі 9709,0 млн. теңге құрады, бұл 0,6%-ға көп. Легірленбеген (көміртегі) болаттан жасалған қырланған табақтар  өндірісі 8,3%-ға көбейді.
Резеңке және пластмасса өнімдердің өндірісі 23,2%-ға  өсіп, 4821,2 млн. теңгені құрады.
Өзге металл емес минералдық өнімдердің өндірісі 11,5%-ға  азайып  7791,6 млн. теңге құрады. Тауарлы бетон өндіріс көлемі 50,7%-ға азайды.
Машина жасау саласында 24844,0 млн. теңгеге өнім өндірілді, бұл 32,2%-ға аз.
Тамақ өнімдері 33215,9 млн. теңгеге өндірілді, бұл 0,7%-ға аз.
Дайындалған және консервіленген балық өнімдері – 2,2 есеге, ірімшік және сүзбе өнімдері – 38,3%-ға, өңделген сұйық сүт және кілегей – 18,0%-ға,  жаңа піскен нан 1,1%-ға өсті.
Шұжық өнімдері – 33,4%-ға, ет және тағамдық қосымша өнімдері – 22,7%-ға, ұн өндірісі 0,7%-ға төмендеді.
2017 жылы ИИДМБ және Индустрияландыру картасы шеңберінде 436 жұмыс орын құрылумен 7,7 млрд. теңгеге 7 жоба іске қосу жоспарланған:
«Жапбаркулов Ж.К.» ЖК — Макаров кірпіш зауыты. Құны – 130 млн. теңге. Қуаттылығы — жылына/5 млн. дана. Жұмыс орны – 30;
«Урал Электрик» ЖШС — Электр қалқандар өндірісі. Құны – 500 млн. теңге. Қуаттылығы – жылына 520 дана. Жұмыс орны – 120;
«Жайык Агро LTD» ЖШС – Құс фабрикасының құрылысы. Құны – 4 200 млн. теңге. Қуаттылығы – жылына 6000 тонна. Жұмыс орны – 150;
«KAZKON» кондитерлік фабрикасы «Енсепова М.Б.» ЖК — Құрғақ таңғы ас өндірісін ұйымдастыру. Құны – 194 млн. теңге. Қуаттылығы — жылына/2791 тонна. Жұмыс орны – 24;
«Желаев нан өңдеу комбинаты» АҚ — Макарон фабрикасының құрылысы. Құны – 1594 млн. теңге. Қуаттылығы — жылына/13 728 тонна. Жұмыс орны – 68;
«Бірлік» ЖШС — Асфальт-бетон зауытының құрылысы. Құны – 275 млн. теңге. Қуаттылығы — жылына/90 000 тонна. Жұмыс орны – 24.
«Агран» ЖШС – сэндвич-панель өндірісі. Құны – 800 млн.теңге.Қуаттылығы – жылына 500 мың шаршы метр.

Инвестициялар. Негізгі капиталға инвестициялар 245,5 млрд. теңге құрады, бұл 2016 жылғы тиісті кезең деңгейінен 11,8%-ға аз.
Республикалық бюджет қаражаты есебінен инвестициялар 21,6 млрд. теңге құрады, бұл 2016 жылдың тиісті кезең деңгейінен 1,9 есеге көп.
Жергілікті бюджет қаражаты есебінен инвестициялар 9,7 млрд. теңге немесе 2016 жылдың қаңтар-қыркүйек деңгейінен 1,8 есеге көп.
Кәсіпорындардың өз қаражаттары үлесіне шетелдік кәсіпорындар қаражатын қоса, жалпы көлемнің 84,2% тиесілі немесе 206,7 млрд. теңге, бұл 2016 жылдың тиісті кезең деңгейінен 18,7%-ға аз.
Банктердің кредиттері есебінен инвестициялар 2,1 млрд. теңге (2016 жылдың тиісті кезең деңгейіне 53,2%), қарыздар есебінен 5,4 млрд. теңге құрады (2016 жылдың тиісті кезең деңгейінен 62,3%-ға көп).
297,7 мың шаршы метр тұрғын үй іске қосылды немесе 2016 жылғы тиісті кезең деңгейінен 1,8 есеге көп.
Құрылыс жұмыстарының көлемі 75,9 млрд. теңге құрады немесе 2016 жылғы тиісті кезең деңгейінен 5,4%-ға көп.
Көлік. 27,6 млн. тонна жүк және 319,0 млн. жолаушы тасымалданды немесе 2016 жылдың тиісті кезең деңгейіне сәйкесінше 95,5% және 97,8%.
Ауыл шаруашылығы. Ауыл шаруашылығы жалпы өнімінің көлемі 104,8 млрд. теңге немесе 2016 жылдың тиісті кезең деңгейіне 99,8% құрады.
57,1 мың тонна ет (тірі салмағында) өндірілді немесе 2016 жылдың тиісті кезең деңгейіне 102,9%, сүт – 196,1 мың тонна (100,7%), жұмыртқа – 124,8 млн. дана (106,7%).
2017 жылғы 1 қазандағы жағдай бойынша 2016 жылдың тиісті кезеңімен салыстырғанда шаруашылықтың барлық санаттарында мүйізді ірі қара мал саны -7,6%-ға (оның ішінде сиыр – 7,3%-ға), қой – 2,2%-ға,  жылқы – 12,0%-ға, құс – 12,4%-ға көбейді.
Тауар айналымы. Бөлшек тауар айналымының көлемі 200,6 млрд. теңге, 2016 жылдың тиісті кезең деңгейіне нақты көлем индексі 104,4% құрады.
Бағалар. Инфляцияның жалпы деңгейі 104,0% құрады (республикалық көрсеткіш – 104,2%).
Азық-түлік тауарларының бағасы 2,9%-ға өсті, (республикалық көрсеткіш – 3,1%-ға). Балық және теңіз өнімдерінің бағасы – 4,0%-ға, күріш және жеміс жидектер – 5,3%-ға, тоқаш және ұннан дайындалатын кондитер өнімдердің – 5,4%-ға, сүт өнімдері – 7,0%-ға, , кондитерлік өнімдердің – 10,8%-ға, ет және құс еті 17,4%-ға. Қызанақ – 70,5%-ға, қияр бағасы – 64,9%-ға, , жұмыртқа – 37,0%-ға, көкөністер – 20,8%-ға, қант – 14,6%-ға, күнбағыс майы 3,3%-ға арзандады.
Азық-түлік емес тауарлардың баға индексі 105,1% құрады (республикалық көрсеткіш – 105,5%). Фармацевтикалық өнімдер мен тоқыма өнімдері – 2,7%-ға,жуғыш және тазалағыш өнімдер – 3,1%-ға,  тұрмыстық жабдықтар – 3,2%-ға, киім және аяқ-киім бағасы – 3,3%-ға, құрылыс материалдары – 3,8%-ға, үйге қажетті заттар-4,2%-ға,жеке пайдалануға арналған тауарлар мен құрылдар, басқа да құралдар – 5,1%-ға,  шыны өнімдері – 5,8%-ға, газеттер , кітаптар, кеңсе тауарлары — 6,1%-ға өсті. Дизель отыны – 17,8%-ға, бензин 10,6%-ға қымбаттады.

Ақылы қызметтердің тарифтері мен бағалары 4,2%-ға өсті (республикалық көрсеткіш – 4,3%-ға). Білім беру қызметтері – 4,0%-ға, құқықтық және сақтандыру қызметі – 7,0%-ға, тұрғын үй — жайларды ағымдағы күтіп ұстау және жөндеу — 8,7%-ға, тұрғын жайларды күтіп ұстау — 9,7%-ға, қалааралық  автобус — 11%-ға, амбулоториялық қызметтер- 15%-ға қымбаттады. Бөлінетін желілер бойынша тасымалданатын газ тарифі — 3,9%-ға өсті. Ыстық су тарифтерінің  бағасы — 0,4%-ға, салқын су — 4,5%-ға, кәріз — 2,5%-ға төмендеді.

Шағын және орта кәсіпкерлік. 2017 жылғы 1 қазандағы жағдай бойынша шағын және орта кәсіпкерлік саласында жұмыс істейтін субъектілерінің саны 37,7 мың бірлікті құрады, бұл 2016 жылғы тиісті кезең деңгейінен 12,0%-ға көп.
2017 жылғы 1 сәуірдегі  жағдай бойынша шағын және орта кәсіпкерлікте жұмыс істейтіндер саны 114,4 мың адамды құрады, бұл 2016 жылдың 1 шілде деңгейінен 9,3%-ға көп.
2017 жылғы қаңтар-маусымда шағын және орта кәсіпкерліктің субъектілерімен 656,5 млрд. теңгеге тауар (жұмыс, қызмет) өндірілді, бұл 2016 жылғы тиісті кезең деңгейіне 123,9%.
2017 жылы «Бизнестің жол картасы 2020» бағдарламасы шеңберінде шағын және орта кәсіпкерлікті қолдауға 1818,7 млрд. теңге қарастырылған, соның ішінде кредиттер бойынша пайыздық мөлшерлемені субсидиялауға – 1677,7 млн. теңге, жартылай кепілдендіруге – 94,0 млн. теңге, гранттық қаржыландыруға – 47,0 млн. теңге.
2017 жылғы қаңтар-тқыркүйекте БҚО бойынша Өңiрлiк үйлестiру кеңесiмен жалпы сомасы 11,4 млрд. теңгеге 125 жоба мақұлданды.
Сонымен қатар, Нәтижелі жұмыспен қамтуды және жаппай кәсіпкерлікті дамытудың бағдарламасы шеңберінде кәсіпкерлікті дамытуға жәрдемдесуге 1,9 млрд. теңге қарастырылды.

Қаржылар. Мемлекеттік бюджетке 166,5 млрд. теңге жиналды (болжамға 95,1%), бұл 2016 жылғы қаңтар-қыркүйектен 4,4%-ға аз.
Республикалық бюджетке түсімдер 107,8 млрд. теңгені құрады (болжамға 86,8%), бұл 2016 жылдың тиісті кезеңінен 8,8%-ға аз.
Жергілікті бюджетке 58,7 млрд. теңге түсті (болжамға 115,4%), бұл 4,9%-ға көп.
Өтелмеген салықтар (өткен жылдар есебімен) 2017 жылдың 1 қаңтарымен салыстырғанда 376,3 млн. теңгеге азайды және 4023,7 млн. теңгені құрады, оның ішінде республикалық бюджет бойынша – 3329,0 млн. теңге (368,7 млн. теңгеге аз), жергілікті – 694,7 млн. теңге (7,6 млн. теңгеге аз).

Еңбек нарығы. 2017 жылғы 1 қазандағы жағдай бойынша жұмыспен қамту қызметінде 5150 адам есепте тұр, экономикалық тұрғыдағы белсенді халыққа тіркелген жұмыссыздар үлесі 1,5% құрады, бұл 2016 жылдың сәйкес кезең деңгейінен 0,7 пайыздық пунктке жоғары.
2017 жылғы 1 қазандағы жағдай бойынша 11798 жұмыс орны құрылды, оның ішінде: ауыл, орман және балық шаруашылығында – 1603, өнеркәсіпте – 133, құрылыста – 3452, көлік және қоймалауда – 196, көтерме және бөлшек сауда, авто және мотоцикл жөндеу – 1152, білім беру – 197, денсаулық сақтау және әлеуметтік қызметтер – 1183, экономикалық кызметтің басқа түрлері салаларында – 1038, уақытша және маусымдық жұмыстарда – 2844. Жалпы құрылған жұмыс орындарының  8941-і (75,8%) – ауылдық жерде.
9369 адам жұмысқа орналасты, оның ішінде Нәтижелі жұмыспен қамтуды және жаппай кәсіпкерлікті дамытудың бағдарламасы аясында – 1400 адам. Бұдан басқа, шағын және орта кәсіпкерлікте 4858 адам жұмысқа орналасты.
Ақылы қоғамдық жұмыстарға 5612 адам жіберілді.
Техникалық және кәсіптік білім, орта білімен кейінгі және жоғары білім беру ұйымдарын бітірушілерді жұмыспен қамту мақсатында жастар тәжірибесіне 1423 адам жолданды, соның ішінде Нәтижелі жұмыспен қамтуды және жаппай кәсіпкерлікті дамытудың бағдарламасы аясында – 899 адам.
Әлеуметтік жұмыс орындарына 941 адам орналастырылды, соның ішінде Нәтижелі жұмыспен қамтуды және жаппай кәсіпкерлікті дамытудың бағдарламасы аясында – 501 адам.
Кедей отбасылардың саны 2017 жылғы 1 қазандағы жағдай бойынша 387 отбасыны құрады және 2016 жылдың 1 қазанмен салыстырғанда 159 отбасыға азайды.
2017 жылғы қаңтар-маусымдағы орташа айлық еңбекақы 138 071 теңгені құрады, бұл 2016 жылдың тиісті кезеңінен 3,7%-ға көп.

Білім беру. Облыстың білім беру мекемелерінің саны 391 мектепті құрады (95518 мың оқушы), оның ішінде мемлекеттік – 387 (95438 оқушы), мемлекеттік емес – 4 (80 оқушы). 380 күндізгі мектеп (94369 оқушы), 4 кешкі ауысымды мектеп (485 оқушы), 3 арнайы мамандандырылған мектеп (584 оқушы) жұмыс істейді.
Облыста 166 балабақша, 52 «мектеп-балабақша» кешені және 256 шағын орталық жұмыс істейді. Мектепке дейінгі жастағы балалардың жалпы санын қамтитын 29,3 мың бала немесе 63,6%-ын 1-ден 6 жасқа дейінгі балалар, 99,7%-ын 3-тен 6 жасқа дейінгі балалар құрайды.
59 мектептен тыс мекемелер қосымша білім алу мүмкіндігін жасап отыр, оқушылардың қамтылу саны 57,9 мың, бұл облыс мектептері оқушыларының жалпы санының 61,4%-ын құрайды.
3 ПДПК (психологиялық-дәрігерлік-педагогикалық кеңес беру),                         11 педагогикалық-психологиялық түзеу кабинеттері қызмет көрсетеді.
Бүгінгі таңда 121 отбасында 159 бала патронаттық тәрбие алуда.
Техникалық және кәсіптік білім беру ұйымдарының саны 19,9 мың адам оқитын 38 бірлік құрайды, соның ішінде 27 мемлекеттік, 11 мемлекеттік емес колледждер.
Білім беру саласының 2017 жылғы бюджеті 58,2 млрд. теңгені құрайды.
Жалпы білім беретін мектептерде мультимедиялық кабинеттердің компьютерлерін қоса есептегенде, 13102 компьютер бар немесе бір компьютерге 7 оқушыдан келеді.

Денсаулық сақтау. 2017 жылғы 1 қазандағы жағдай бойынша облыстың мемлекеттік медициналық ұйымдарының жүйесі 45 заңды нысанды құрайды.
Облыста 1687 дәрігер және 6190 орта медицина қызметкері (ДСӘДМ жүйесі) жұмыс істейді.
3534 бюджеттік кереует орын, соның ішінде БҰДСЖ (бірыңғай ұлттық денсаулық сақтау жүйесі) аясында 2424 кереует орын жұмыс істейді.
Облыста дәрі-дәрмекпен қамтамасыз ету 481 дәріхана ұйымдары арқылы жүзеге асырылады, соның ішінде ауылдық жерде – 222.
2017 жылғы қаңтар-қыркүйекте 2016 жылдың тиісті кезеңімен салыстырғанда  туберкулез аурушаңдылығы (100 мың тұрғынға) – 0,8%-ға, бала өлімі (1000 тірі туылғанға) – 14,7%-ға, қан айналымы жүйесінің ауруларынан өлім (100 мың тұрғынға) 1,3%-ға төмендеді. Ана өлімі тіркелмеген.
Денсаулық сақтау саласының 2017 жылғы бюджеті 15,6 млрд. теңгені құрайды, соның ішінде республикалық бюджеттен берілетін нысаналы трансферттер – 11,7 млрд. теңге. Кепілдік берілген тегін медициналық көмек көлемінің қаражаттары 11,9 млрд. теңгені құрайды.

Мәдениет және спорт. Мәдениет ұйымдарының саны 742 нысан құрайды, соның ішінде 390 кітапхана, 275 қалалық, аудандық, ауылдық мәдениет үйлері мен клубтар, 5 автоклуб, 32 киноқондырғы, 19 музей (соның ішінде 2-і мемлекеттік  емес), 1 көрме залы, 3 мәдениет және демалыс саябағы, 8 кинотеатр (соның ішінде 3-і мемлекеттік  емес), облыстық тарихи-мәдени мұраларын қорғау Инспекциясы, тарих және археология Орталығы, облыстық халық шығармашылығы Орталығы, жастар шығырмашылығы Орталығы, Қадыр Мырза Әлі атындағы мәдениет және өнер Орталығы, облыстық Қазақ драма театры, А.Н.Островский атындағы драма театры, Ғарифолла Құрманғалиев атындағы облыстық филармония, камералық оркестр сынды кәсіби өнер ұжымдары.
Мәдениет саласының  2017 жылғы бюджеті 6,8 млрд. теңге құрайды.
Облыс бойынша спорттық құрылыстардың саны 1545 бірлікті құрайды, оның ішінде 3 стадион, 1 спорт сарайы, 5 жүзу бассейні, 11 спорт кешені, 276 спорт залы,  спорттық манеж, 6 шаңғы базасы, 2 есу базасы, 101 ату тирі,  964 жазықтық ғимарат, 152 бейімделген спорт залы, 20 теннис корты, 3 хоккей корты.
Облыста 25 балалар-жасөспірімдер спорт мектебі және Олимпиада резервтерін даярлау орталығы, облыстық жоғары шеберлік спорт мектебі, спортта дарынды балаларға арналған мамандандырылған облыстық мектеп-интернаты, 11 спорт клубы, соның ішінде 3 кәсіби клубы («Ақжайық» спорт клубы АҚ, «Ақжайық» футбол клубы  АҚ, «Жайық» волейбол клубы МКҚК) жұмыс істейді.
Дене шынықтыру және спорт саласының 2017 жылғы бюджеті 4,3 млрд. теңге құрайды.

Be the first to comment on "БҚО ӘЛЕУМЕТТІК-ЭКОНОМИКАЛЫҚ ДАМУЫ"

Пікір қалдыру

Your email address will not be published.