ОТТЫ КҮНДЕРДЕН… ДОСЫМ МҰХТАРҒА ЖАУАП

19 556 рет оқылды, 3 пікір жазылды, 13 12 2017 12:06

Мұхтар,  рахмет досым. Талай нәрсені еске түсірдің. Ол кездің талабы өзің секілді, біз секілді жастардан соны қажет етті ғой. Себебі ол кездегі саясаттың ары карай жалғаса беруі мүмкін еместігіне көз жете бастады:  «неге» деген көкейде сұрақтар көбейе берді. Неге қазақ тілі өз жерінде төмендеп барады, Неге ауылда өскен, қазақ тілінде мектеп бітірген,  тұрса да,  жатса да ұйыктап жатып түс көрсе де қазақ тілінде сөйлейтін бала жоғарғы  білім аларда пединиституттан  басқа оқу орындарында  толық орыс тілінде оқу керек. Неге қазақ тіліндегі бала бақшалар мен мектептер саны азайып жатыр. Неге біздің үлкен көке, аталарымыз «немерем бір ауыз қазақша білмейді, орысша акцентсіз сөйлейді» — деп мақтаныш етіп жүреді?  «Неге еліміздің солтүстігінде тұратын жергілікті бауырларымыздың басым көпшілігі өз ана тілін мүлдем ұмытты?» — сияқты  деген «негелер» тым көбейіп кетті?  Ол кезде жалтақтау, қаймығу деген тіптен болмаған. Себебі  алға койған мақсатымыздың  дұрыс екеніне титтей де күмәніміз болған жоқ. Еліміз егемен болсын деуде, қазақ тіліне мемлекеттік мәртебе берілсе деуде, Ақмола атын кайтаруда, оқу орындарында қазақ бөлімдерінің ашылуына, Ақмола қаласында қазақ  драма театрының  ашылуына, мәдени іс – шаралардың  қазақ тілінде де өтуіне, Ақмоладан алғашқы  Мешіт салынуына, сол кездегі  (Тыңгерлер) қазіргі  конгресс — холда үш мың адамды жинап  Желтоқсан оқиғасының Республикада алғаш рет төрт жылдығын атап өтуде, репрессия құрбандары жерленген қала ортасындағы қараусыз қалған зияратты қалпына келтіруде тағы сол сияқты көптеген істерді атқаруда «Парасат» қазақ жастар одағының   белсенділері  Серік Нұрсағатов, Бақыт Ермаханов, Тоғайбай Рысбеков, Мұрат, Дарын, Пірімбай секілді ұлт жанды жігіттер мен Жұмакүл, Гүлжан, Құбажай, Зәмзәгүл сияқты қыздар және де бізге ақылын беріп заңдылықтан таймай қамал бұзар талабымызды дұрыс арнаға бағыштай білген ұлт патриоттары  Жанкелді Шымшықов, Елтай Шаханов, Тимур Әлтаев сынды ағаларымыз болды. Ішкі  жан дүниемізбен ұлт патриоты болуға тырыстық  кой досым. Міне бүгін сол армандаған Тәуелсіздігіміздің жиырма алтыншы жылын мерекелеп отырмыз. Осы ширек ғасырдан астам уақытта елімізді қанаттыға қақтырмай, тұмсыктыға шоқтырмай, Қазақ деген ұлтты, Қазақстан деген мемлекетті әлемге танытып, Ұлы даланың  Ұлы көшін бастап келе жатқан  Елбасы Нұрсұлтан  Назарбаев. Мен 1992 жылдан мемлекеттік қызметте болып Президент командасында қызмет етіп келе жатқанымды мақтан тұтамын. Өзіңді де ел Тәуелсіздігінің 26 жылдығымен құттыктаймын. Әлі де елге, қоғамға, кейінгі жастарға берерің мол озің аман бол.

Әрқашан досың, «Парасат» жастар Одағының басшысы  — Ұласбек Сәдібеков 

 

3 Comments on "ОТТЫ КҮНДЕРДЕН… ДОСЫМ МҰХТАРҒА ЖАУАП"

  1. Қандай керемет айтылған еске алу ұлттық сезіміңді оятады, елдің сенімін арқалаған ағалар мрейлеріңіз өсе берсін.

  2. Hey! I simply want to give a huge thumbs up for the good data you’ve right here on this post. I will be coming again to your weblog for more soon. http://hellowh983mm.com

  3. An fascinating dialogue is price comment. I feel that you should write extra on this subject, it may not be a taboo topic but typically individuals are not enough to talk on such topics. To the next. Cheers http://hellowh983mm.com

Пікір қалдыру

Your email address will not be published.