Болашаққа бағдар,Рухани жаңғыру

48 рет оқылды, 1 пікір жазылды, 15 12 2017 17:27

Елбасы Нұрсұлтан Әбішұлы Назарбаевтың «Болашаққа бағдар: Рухани жаңғыру» бағдарламалық мақаласы ел дамуының жарқын үлгісі мен ұлттық болмыс пен бірегейлікті сақтай отырып, сананы жаңғырту мен білімділікке ұмтылуына бағытталған нақты қадамдарын көрсететін маңызды құжат. Қазір бұл Елбасымыздың бағдарламалық мақаласын толық қолдай отырып, Қайнарбұлақ елдімекенінде 2 қыркүйекте жаңадан ашылған №125 жалпы орта мектебінде бірқатар іс-шаралар жүргізілуде. Рухани мәдениеттің дамуы үшін тағылымды ұлттық тәрбиенің қайнарынан сусындап, биік адами құндылықтардың кемелдену барысында әрбір маман иесі атсалысуда. Елбасы халқымызға өз дүниетанымын түбегейлі өзгерту жөнінде нақты кеңес береді. Тұғырнамалық мақсатында әрбір қазақстандықтың мақсат-мүддесі қамтылғандықтан біздің ұжымға да үлкен серпін әкелді. 28.10.17 жылы мектебіміздің ашылуына орай «Болашаққа бағдар: Рухани жаңғыру» жолдауын насихаттау мақсатында «Жарқын болашақ – салауатты өмірді таңдайды» атты волейболдан Қаратау ауданына қарасты мектептердің мұғалімдері арасында аймақтық жарыс өткізілді. «Туған жерге тағзым» облыстық өнер фестивалінен 2 орын, оның ішінде қолөнер сайысынан бас жүлдені иеленді. Бұған қоса әлеуметтік кабинет ашылып, «Қоғамдық сананы жаңғырту», «Туған жер», «100 кітап» бағдарламаларын іске асыру мақсатында іс-шаралар жүргізілді. «Отаным – тағдырым» тақырыбында қазақ тілі мен әдебиеті, тарих пәні мұғалімдері, 1-11 сынып жетекшілері жоспарға сай ашық сабақтар мен дөңгелек үстелдер, ата-аналар форумы өткізілді.

Тәуелсіздік – ата-бабамыздың арманы орындалып, жасампаздығымызды жаңа белеске көтерген күн. 1991 жылғы 16 желтоқсанда Президент Нұрсұлтан Назарбаев қол қойған Конституциялық заңнан бастау алған тәуелсіздігімізге 26 жыл толды. Тарихқа көз жіберетін болсақ, Тәуелсіздік – 1986 жылғы Желтоқсан оқиғасында алаңға шыққан жастардың ерік-жігері, ең алдымен барша қазақстандықтардың арман-мұратының салтанат құруы. Патша дәуірінде де, Кеңес одағы кезінде де тәуелсіздікке деген ұмтылыс халықтың едәуір бөлігінде қалыптасты. Біз бірнеше жүз жыл отаршылдықтан кейін ХХ ғасырдың аяғында қайта жаңғырған мемлекетпіз. Тәуелсіздік – бұл азап пен төзімнің , халықтың сан ғасырлар бойғы еркіндікті аңсаған тұсы.

Біз тәуелсіздікке қол жеткізу үшін қаншама қиыншылықтарды басымыздан өткіздік, енді осы тәуелсіздігімізді қадірлеп қастерлеп, халқымыздың әл-ауқатын жақсартуға, экономикасын әрі қарай көтеруге, мемлекетіміздің гүлдеп жайнауына, демократиялық және құқықтық мемлекет құру жолында аянбай еңбек етуіміз қажет. Осынау мерекемен баршаңызды шын жүректен құттықтаймын. Еліміздің аспаны ашық, керегесі кең болсын. Отанымызда орнап тұрған тыныштық пен берекенің ғұмыры ұзақ болсын.

«Сынаптай сырғыған уақыт ешкімді күтіп тұрмайды, жаңғыру да тарихтың өзі сияқты жалғаса беретін процесс» -деп Елбасымыз айтқандай, біз де уақыт талабына сай әрекет етсек, ісіміз бағалана түсетіні хақ.

 

Қайнарбұлақ ауылындағы №125 жалпы орта                                                                                                                                                 мектебінің директоры                                                                                                                      Сатыбалдиев Әсет Әбдінәбиұлы

1 Comment on "Болашаққа бағдар,Рухани жаңғыру"

  1. 125 ЖОМ басшысына,ұстаздарға шығармашылық табыстар тілеймін!

Пікір қалдыру

Your email address will not be published.