ОТЫРАР АУДАНЫНДА ТӘУЕЛСІЗДІК КҮНІНЕ ОРАЙ ЖАҢАДАН 20 НЫСАН АШЫЛДЫ

82 рет оқылды, 2 пікір жазылды, 20 12 2017 17:12

Отырар ауданында Тәуелсіз еліміздің мерейлі мерекесіне орай 20 нысан ел игілігіне берілді. Нысандардың салтанатты ашылу рәсіміне аудан әкімі Ерлан Айтаханов арнайы қатысып, ауыл тұрғындарын қуаныштарымен құттықтады. Бұл туралы аудан әкімінің баспасөз қызметі хабарлады.

Мереке қарсаңында Балтакөл ауылдық округінде жаңадан 4 нысан ашылды. Елдімекеннің кіреберісінде салынған бас қақпа ауылдағы ағайынның алғашқы қуанышына айналды. Мереке қарсаңында кәсіпкерлер алыстан менмұндалайтын нысанды туған жерге тарту еткен. Құрылыс жұмыстарына 600 мың теңге қаржы жұмсалған.

Сондай-ақ, аталған ауылда тары-талқан өңдейтін 2 цех өз жұмысын бастады. Ауыл азаматы, кәсіпкер Серғазы Батырбеков халық сұранысына ие цехты ашу бұрыннан ойда жүргенін айтады. Кәсіпкерлік нысан қазірдің өзінде 10 азаматты тұрақты жұмыспен қамтып отыр.

Отырар ауданында жаңадан ашылған 9 бірдей ветеринарлық пункттің біреуі осы Балтакөл ауылына тиесілі. Қалған мал дәрігерлік бекеттері Отырар, Шілік, Талапты, Аққұм, Қоғам, Қарғалы, Маяқұм ауылдық округтерінде орналасқан. Ветеринарлық клиника мүйізді ірі қараларды қолдан ұрықтандыру, мал басын асылдандыру, диагностикалау және үй жануарларының аса жұқпалы ауруларының алдын-алу бағытындағы профилактикалық жұмыстарымен айналысады. Әр жобаның құны 8 млн. теңге.

Сонымен қатар ауданда 3 фельдшерлік-акушерлік тірек ашылды. Медициналық мекеменің әрқайсысына мемлекеттік бюджеттен 65 млн 556 мың теңге қаржы қаралған. Одан бөлек бірқатар сауда орталықтары мен 1 көпір ел игілігіне берілді.

ОҚО әкімінің баспасөз қызметі

2 Comments on "ОТЫРАР АУДАНЫНДА ТӘУЕЛСІЗДІК КҮНІНЕ ОРАЙ ЖАҢАДАН 20 НЫСАН АШЫЛДЫ"

  1. Heya i’m for the primary time here. I came across this board and I find It really helpful & it helped me out a lot. I am hoping to give something back and help others like you helped me.

    http://www.zvodretiluret.com/

  2. Wonderful paintings! This is the kind of info that should be shared across the internet. Disgrace on Google for now not positioning this submit higher! Come on over and visit my site . Thanks =)

    https://thepandemic.wordpress.com/

Пікір қалдыру

Your email address will not be published.