ОҚО-да ауыл еңбеккерлері марапатталды

27 рет оқылды, 0 пікір жазылды, 20 12 2017 22:40

Шымкентте өткен «Алтын күз» мерекесіне асқар тау- жер жаннаты Алатау сілемінің баурайына орналасқан Төлеби ауданының диқандары 22 тоннадан астам ауыл шаруашылығы өнімдерін  алып келді. Ала жаздай еңбек еткен шаруалар  жиған-тергені осы жәрмеңкеде сатты. Бұл күні аудан экономикасын күшейтуге өз еңбегімен үлес қосқан үздік ауыл еңбеккерлері түрлі марапат түрлерімен  марапатталып, үлкен қуанышқа ие болды. Осы көңілді де маңызды  Фестивальдың аяғы ескіден көз боп жеткен «Сірге мөлдіретер» дәстүріне ұласты. Онда қонақтарға дәмі тіл үйірер Диханкөл қымызы мен аспаздар дайындаған түрлі ас тегін таратылды. Іс-шара «Төле би барысы» облыстық ашық турнирімен жалғасты. Сондай-ақ балуандардың «Марқа көтеру» сайысы мен мергендер жарысы ұйымдастырылды. Мұхтар Өсербаев, Төлеби аудандық кәсіпкерлік бөлімінің басшысыөз сөзінде былай деді:  – Аудандағы биылғы өнім 70 миллиард теңгеден  асып жығылады деген ойдамыз. Соның ішінде шағын және орта бизнестің экономикада қосқан    үлесі 60 миллиард теңгеге  дейін барады. Өнеркәсіп үлесі 27 миллиард теңгеге жетіп жығылады  деп отырмыз. Қалғаны – ауылшарушылығы саласының үлесі. Мал шаруашылығының ішінде қазір жылқы өсіру мәселесіне басымдық беретін ойымыз бар.  Себебі, қымыз өндіруге  ел тарапынан, әсіресе жергіікліт туризм саласында сұраныс көп болғандықтан,  осы салаға нықтап  бұрыс жасалуда.

Be the first to comment on "ОҚО-да ауыл еңбеккерлері марапатталды"

Пікір қалдыру

Your email address will not be published.