ОҚО-да тарихи жерлер туристерді тартатын орынға айналады

28 рет оқылды, 0 пікір жазылды, 20 12 2017 22:41

Оңтүстік Қазақстан облысында осы күнге дейін ескерусіз келген тарихи ескерткіштер ендігі жерде туристерді тартатын орынға айналады. Жергілікті билік бұл жұмыстарды Ханқорған қалашығын қалпына келтіруден бастамақ. Тарихшылар мен сарапшылардың алдында ескі қала орнында ашық аспан астындағы музей жасау міндеті тұр. Дәл осы жерде XVIII ғасырда атақты Абылайханның ордасы болған. Бүкіл халықты бір тудың астына біріктіре білген қолбасшы өмірінің соңғы күндері де осы Ханқорғанда өткен деген деректер бар. Ескі қаланың маңын зерттеу мақсатында осыдан 3 жыл бұрын облыстық бюджеттен 35 млн теңге қаражат бөлінген болатын. Жүргізілген археологиялық қазба жұмыстары қала тарихының тым тереңде жатқанын көрсетті. Біздің дәуіріміздің VI-VII ғасырларында осы жерде Түрік қағанатының ордасы болғандығын, ал IX-X ғасырларды қарахандықтар хандығының орталығы болғандығын дәлелдейтін деректер табылды. Елімізге туристерді тартатын тағы бір ескерусіз қалған жер әлемге әйгілі ғалым Әбу-Нәсір әл-Фараби дүниеге келген. Оқсыз қалашығы. Қазіргі уақытта осындай тарихи маңызы зор жерлерді қалпына келтіру мен туристерге тартымды жағдай жасау мақсатын көздейтін ауқымды бағдарлама жасау жұмыстары қолға алынды. Бақытжан Әшірбеков, облыстық «Рухани жаңғыру» жобасының жетекшісі: – Біз қазір барлық нысандарда түгендеу жұмыстарын жүргізіп жатырмыз. Әсіресе Ханқорған қаласының тарихи маңызы зор болған. Тарихи ескерткіштер қалпына келтіріліп, туристер тартатын боламыз.

www.24.kz

Be the first to comment on "ОҚО-да тарихи жерлер туристерді тартатын орынға айналады"

Пікір қалдыру

Your email address will not be published.