Серік Сәпиев обыр дертін жеңген 18 жастағы жігіттің арманын орындады

130 рет оқылды, 3 пікір жазылды, 22 01 2018 16:32

Бокстан Олимпиада чемпионы Серік Сәпиев Қарағандының бірнеше жыл бойы обырмен алысқан 18 жастағы тұрғынының арманын орындап, оған қонаққа келді, деп хабарлайды «ҚазАқпарат».

Жас жігіт Николай Часовских көптен бері өз кумирімен кездесуді армандаушы еді. Волонтерлар онкологиялық ауруды жеңген жанкүйердің хабарын Қарағанды облысы әкімінің орынбасары Алмас Айдаровқа жеткізді. Ол Серік Сәпиевке хабарласып, жанкүйермен ізгі кездесуді ұйымдастыру жағын кеңесті. Ұзақ уақыт бойы қатерлі аурумен күресіп, түбінде жеңіске жеткен жерлесі жайлы естіген мәжілісмен Сәпиев уақыт тауып, Николайдың үйіне қонаққа келді.

Сәпиев жанкүйеріне құралақан келмей, гироскутер сыйға тартты. Ол Николайға жоғары оқу орнына түсіп, тәуір мамандық иесі атану жоспары әлбетте орындалатынына сендірді. Чемпион Николайдың ерекше жігерлі екенін айтып, диагнозын білген бойда тағдыр қиындығына үнсіз бағынбай, өмір үшін күрескеніне алғыс білдірді.

«Баламның арманы орындалды. Николай құрмет тұтатын Серік Сәпиевпен кездесті. Бұл кездесу баламды жігерлендіре түсті», – дейді Николайдың анасы. 29 қаңтарда жас жігіт 18-ге толады.

Stan.kz

3 Comments on "Серік Сәпиев обыр дертін жеңген 18 жастағы жігіттің арманын орындады"

  1. Барекелди

  2. Though it is true I enjoy your writing style, I don’t agree with your main point of view about this one. I do delight in your website nevertheless. dkkcfkaeceke

  3. Wonderful beat ! I would like to apprentice while you amend your website, how could i subscribe for a weblog site? The account aided me a appropriate deal. I were tiny bit familiar of this your broadcast provided shiny transparent concept dcdeedcbeeakeaka

Пікір қалдыру

Your email address will not be published.